Abantu babibiri b’i Kigali bahitanywe na Covid-19

Ubuzima

Minisiteri y’Ubuzima mu Rwanda (Minisante), kuri uyu wa gatanu taliki 11 Kamena, 2021 yatangaje ko abantu babiri b’iKigali bitabye Imana bazize icyorezo cya Covid-19, bituma umubare w’abamaze guhitanwa nacyo ugera kuri 368.

Minisante ikomeza ivuga ko abitabye Imana ari abagabo babiri b’imyaka 66 na 65 b’i Kigali.

Iti “Twihanganishije imiryango y’abagabo babiri bimyaka 66 na 65 bitabye Imana i Kigali.”

Abarwayi bashya ni 202 bagaragaye mu bipimo 5927 byafashwe bituma umubare w’abamaze kwandura mu Rwanda uba 27.862 mu bipimo 1.493.767 bimaze gufatwa kuva muri Werurwe 2020.

Abantu 239,022 bamaze guhabwa doze ya kabiri y’urukingo rwa Covid-19 (AstraZeneca) barimo 288 bayihawe kuri uyu munsi taliki ya 11 Kamena, 2021.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Photo: (Internet)

 

Leave a Reply

Your email address will not be published. Required fields are marked *