Abantu babiri b’iKigali bishwe na Covid-19, abayikize ni 75

Ubuzima

Minisiteri y’Ubuzima yatangaje ko taliki ya 25 Mata, 2021 abantu babiri bishwe na Covid-19 mu Rwanda naho abayanduye bo bakaba biyongereyeho 58 mu gihe abakize ari 75.

Mu itangazo ryayo, ivuga ko kuri uyu munsi abishwe na Covid-19 ari abagore babiri b’imyaka 65 na 67 bo mu mujyi wa Kigali.

Abantu 58 basanganywe icyorezo cya Covid-19, batumye umubare w’abamaze kwandura mu Rwanda uba 24.5 93 mu bipimo 1.289.120 birimo 4.341 byafashwe uyu munsi.

Abarwayi bakize biyongereyeho 75, abamaze gukira bagera kuri 22.941 mu gihe abakirwaye ari 1.322, barimo batandatu barembye. Umubare w’abamaze kwitaba Imana ni 330.

Kugeza kuri uyu wa 25 Mata 2021 hamaze gukingirwa abantu 349.702 kuva ku wa 5 Werurwe ubwo urukingo rwa Coronavirus rwatangiraga gutangwa mu gihugu hose.

(Photo: Internet)

Leave a Reply

Your email address will not be published. Required fields are marked *