Abarenga 50% bafite imyaka 18 kuzamura bamaze kubona doze imwe y’urukingo rwa Covid-19

Ubuzima

Leta y’U Rwanda, kuri uyu wa gatandatu taliki ya 13 Ugushyingo, yatangaje ko kugeza ubu abarenga 50% by’abaturage bafite imyaka 18 kuzamura mu Rwanda, bamaze kubona doze imwe y’urukingo rwa Covid-19.

Intego ni ugukingira 60% mu buryo bwuzuye mu mwaka wa 2022. Bityo ikaboneraho kwibutsa abaturarwnda bose gukomeza ingamba zo kwirinda koronavirusi, nk’uko bigaragara ku rukuta rwa twitter rwa Leta y’u Rwanda.

Dr. Ngamije Daniel, Minisitiri w’Ubuzima, avuga gukingirwa kw’umuntu ari inshingano ze, ko atagomba kubangamira abo babana n’abo baturanye.

Ati” Gukingirwa kw’umuntu ni inshingano ze, ntagomba kubangamira abo babana n’abo baturanye.”

Dr. Ngamije, akomeza avuga ko kudakingirwa uba ubereye imbogamizi bagenzi bawe.

Ati” Kudakingirwa uba ubereye imbogamizi bagenzi bawe, kuko ushobora kubanduza iriya ndwara, hakaba n’abashobora gupfa, ntabwo rero ushobora gufata icyemezo cyawe cyabangamira abandi. Ni ukuvuga  ko uburenganzira bwawe, buba bwamaze kuba ikibazo ku burenganzira bw’abandi.

Kugeza ubu mu Rwanda, umubare w’abamaze kwicwa n’iki cyorezo ni 1,336.

Abamaze guhabwa doze ya mbere bagera kuri 4,821,856, barimo Abantu 46,327 bahawe doze ya mbere y’urukingo rwa Covid-19 kuri uyu wa gatanu.  Abandi 86,565 bahawe doze ya kabiri y’uru rukingo, bituma abamaze kuruhabwa ku nshuro ya kabiri bagera kuri 2,606,678.

 

 

Photo: (Internet)

Leave a Reply

Your email address will not be published. Required fields are marked *