Amwe mu mafoto yaranze Africa muri iki cyumweru: Tariki 19-25/2/2021

Umuco

Amwe mu mafoto yaranze Afurika n’afite aho ahuriye n’Afurika yo muri iki cyumweru.

Iyi nyoni ifite inkomoko mu Misiri yabonywe mu ndabo i London mu Bwongereza ku wa gatatu.
Ku wa mbere, uyu mukobwa wo mu bwoko bwa Makonde muri Mozambique yifotoreje mu nkambi y’abakuwe mu byabo iri muri icyo gihugu.
Ku wa mbere, Tsgabu Grmay, umunya-Ethiopia usiganwa ku igare, ahanganye n’ahazamuka mu isiganwa rya UAE Tour i Abu Dhabi muri Emira Zunze Ubumwe z’Abarabu.
Kuri uwo munsi wo ku wa mbere, uyu muhinzi w’ibihumyo wo mu murwa mukuru Harare wa Zimbabwe, arerekana uburyo bwa gihanga abihingamo bigerekeranye.
Ku wa gatanu, impunzi zahungiye muri Sudan zivuye mu karere ka Tigray ko muri Ethiopia zizihije isabukuru y’imyaka 46 ishize hashinzwe ishyaka Tigray People’s Liberation Front (TPLF) ryahoze riri ku butegetsi muri Tigray.
Ku wa kane, abashyigikiye abatavuga rumwe n’ubutegetsi, barakaye, barimo n’uyu washyize ibuye mu itopita, biraye mu mihanda y’i Niamey mu murwa mukuru wa Niger, nyuma yuko Mohamed Bazoum, umukandida w’ishyaka riri ku butegetsi, atsinze amatora ya perezida. Bwari bubaye ubwa mbere umutegetsi umwe watowe muri demokarasi avuye ku butegetsi akabuha undi watowe.
Nanone kuri uwo munsi wo ku wa kane, Senegal yakomeje ibikorwa byo gukingira coronavirus. 10% by’inkingo Senegal yabonye, yatangaje ko irimo kuziha ibihugu baturanye bya Guinea-Bissau na Gambia “nk’uburyo bw’ubufatanye nyafurika”, nkuko Perezida Macky Sall abivuga.

Leave a Reply

Your email address will not be published. Required fields are marked *