Covid-19: Abantu 10 bitabye Imana

Ubuzima

Minisiteri y’Ubuzima mu Rwanda (Minisante), ku wa mbere taliki ya 06 Nzeri, 2021 yatangaje ko abantu icumi bitabye Imana bazize icyorezo cya Covid-19.

Minisante, ivuga ko abitabye Imana ari abagore 7 n’abagabo 3, bituma umubare w’abamaze guhitanwa nayo uba 1134.

Iti” Twihanganishije imiryango y’abagore 7 n’abagabo 3 bitabye Imana.”

Kuri iyi taliki, ibipimo ni 12.180, abantu 377 basanganywa Covid-19, naho 12 bari mu bitaro, abantu batatu bagasezererwa.

Mu Rwanda, abantu 11.646 bashya bahawe dose ya kabiri y’urukingo rwa Covid-19, bituma abamaze guhabwa dose ya kabiri y’urukingo bagera kuri 907.147, mu gihe abandi 1.782 bashya bahawe dose ya mbere y’urukingo rwa Covid-19, bituma abamaze guhabwa uru rukingo bagera kuri 1.662.759.

Photo: (Internet)

Leave a Reply

Your email address will not be published. Required fields are marked *