Covid-19: Abantu 8 bitabye Imana

Ubuzima

Minisiteri y’Ubuzima mu Rwanda (Minisante), ku wa kane taliki ya 02 Nzeri, 2021, yatangaje ko abantu umunani bitabye Imana bazize icyorezo cya Covid-19.

Minisante, ivuga ko abitabye Imana ari abagore 2 n’abagabo 6, bituma umubare w’abamaze guhitanwa nayo uba 1105.

Iti” Twihanganishije imiryango y’abagore 2 n’abagabo 6 bitabye Imana.”

Kuri uyu munsi abanduye bashya ni 485 babonetse mu bipimo 11.604 byafashwe.

Kuri uyu munsi, abantu 11 bashyizwe mu bitaro mu gihe 16 aribo basezerewe nyuma yo gukira, na abarembye ni 35.

Kuva umurwayi wa mbere wa Covid-19 yaboneka mu Rwanda ku wa 14 Werurwe 2020, hamaze gufatwa ibipimo 2.473.190.

Kuva ku wa 5 Werurwe 2021 ubwo hatangiraga ibikorwa byo gukingira mu buryo bwa rusange, abaturage 782.834 bamaze gukingirwa bahawe dose ebyiri, mu gihe umubare w’abamaze gufata imwe ugera kuri 1.592.405, barimo 39.216 bahawe dose ya mbere uyu munsi.

Abaturarwanda bose barasabwa gukomeza kubahiriza amabwiriza atangwa n’inzego z’ubuzima mu rwego rwo gukumira ikwirakwira ry’icyorezo cya Covid-19, arimo kwambara agapfukamunwa neza, guhana intera, gukaraba intoki kenshi n’amazi meza n’isabune cyangwa gukoresha umuti wica udukoko. Barasabwa kandi kwirinda kwikorakora mu maso, ku zuru no ku munwa ndetse bakishyurana bakoresheje ikoranabuhanga aho bishoboka hose.

Photo: (Internet)

 

Leave a Reply

Your email address will not be published. Required fields are marked *