Covid-19: Abantu 964 bashya bayanduye

Ubuzima

Minisiteri y’Ubuzima mu Rwanda yatangaje ko kuri uyu wa gatatu taliki ya 23 Kamena, 2021  abantu 964 bashya banduye icyorezo cya Covid-19.

Minisante ivuga ko abarwayi bashya 964 basanzwe mu bipimo 8.741. Kuva muri Werurwe 2020 hamaze gufatwa ibipimo 1.573.227.

Kuri uyu munsi kandi abantu batanu barimo ‘abagabo batatu b’imyaka 70, 65 na 63, umugore w’imyaka 43 b’i Kigali n’umugabo w’imyaka 68 w’i Huye bishwe na Covid-19.

Abakize  kuri uyu munsi bo ni 22 bituma abamaze gukira baba 26.734. Abakiri kwitabwaho ni 6.129 barimo 12 barembye. Abagera ku 391.058 ni bo bahawe urukingo.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera,gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze.

Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.

Photo: (Internet)

 

Leave a Reply

Your email address will not be published. Required fields are marked *