Covid-19: Abantu babiri bitabye Imana

Ubuzima

Minisiteri y’Ubuzima mu Rwanda (Minisante), ivuga ko kuri uyu wa mbere taliki ya 14 Kamena, 2021 abantu babiri bitabye Imana bazize icyorezo cya Covid-19.

Minisante ivuga ko abitabye Imana ni umugore w’imyaka 57 w’i Rubavu n’umugabo w’imyaka 73 w’i Kigali.

Iti “Twihanganishije imiryango y’umugore w’imyaka 57 (i Rubavu) n’umugabo w’imyaka 73 (i Kigali) bitabye Imana.”

Byatumye abamaze guhitanwa n’iki cyorezo kuva cyagera mu Rwanda bagera kuri 372.

Abanduye iki cyorezo bashya ni 241, abakize ni 42,  abakiri mu bitaro barembye ari 11.

Abantu 242,624 bamaze guhabwa doze ya kabiri y’urukingo rwa Covid-19 rwa AstraZeneca, barimo 1,965 bayihawe uyu munsi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Photo: (Internet)

 

Leave a Reply

Your email address will not be published. Required fields are marked *