Covid-19: Abantu bane bitabye Imana

Ubuzima

Minisiteri y’Ubuzima mu Rwanda (Minisante), kuri uyu wa gatatu taliki ya 16 Kamena, 2021 yatangaje ko abantu bane(4) bitabye Imana bazize icyorezo cya Covid-19.

Abitabye Imana ni abagore babiri b’imyaka 76 w’i Kigali n’uw’imyaka 73 w’i Huye ndetse n’abagabo babiri barimo uw’imyaka 59 na 48 b’i Kigali.

Minisante it “Twihanganishije imiryango y’abagore babiri b’imyaka 76 (i Kigali) na 73 (i Huye) n’abagabo babiri b’imyaka 59 na 48 (i Kigali) bitabye Imana.”

Minisiteri y’Ubuzima ikomeza ivuga ko abantu bane bitabye Imana bazize icyorezo cya Covid-19, byatumye umubare w’abamaze guhitanwa n’iki cyorezo ugera kuri 376.

Abantu bashya banduye iki cyorezo ni abantu 263 babonetse mu bipimo 5 676 byafashe, bituma umubare w’abamaze kwandura ugera ku 29 175, mu bipimo 1 522 174 bimaze gufatwa kuva iki cyorezo cyagera mu Rwanda.

Kuri uyu munsi Kandi nta muntu mushya wakize iki cyorezo bituma umubare w’abamaze gukira iki cyorezo uguma ku 26 383.

Abakirwaye ni 2 416 mu gihe abarembye muri abo ari 11.

Hirya no hino abamaze gukingirwa Covid-19 mu Rwanda ni 389 832 barimo 113 babonye urukingo kuri uyu munsi.

Photo: (Internet)

 

Leave a Reply

Your email address will not be published. Required fields are marked *