Covid-19: Hanze y’Umujyi wa Kigali hoherejwe Doze zirenga miliyoni 1 z’inkingo zizakoreshwa mu minsi 10

Ubuzima

Ikigo cy’igihugu cy’Ubuzima (RBC), ku mbere taliki 11 Ukwakira, 2021 kivuga ko cyohereje Doze zirenga miliyoni hanze y’Umujyi wa Kigali zizakoreshwa mu minsi 10.

RBC, ivuga ko yatangije icyiciro cyo gukingira Covid-19 mu buryo bwagutse mu turere 12 hanze y’Umujyi wa Kigali.

Iti” Twatangije icyiciro cyo gukingira Covid-19 mu buryo bwagutse mu turere 12 hanze y’Umujyi wa Kigali. Doze zirenga miliyoni nizo zizakoreshwa mu minsi igera ku 10.”

Mu Rwanda, kugeza ubu mu hamaze gukingirwa mu buryo bwuzuye ni abantu 1.695.981 bahawe dose zombi, barimo 201 bashya bafashe dose ya kabiri, kuva ibi bikorwa byatangira ku wa 5 Werurwe 2021.

Abantu 2.192.888 ni bo bamaze guhabwa dose imwe y’urukingo barimo na 100.371 bashya.

 

Photo: RBC

Leave a Reply

Your email address will not be published. Required fields are marked *