Covid-19: Ikindi kiciro cy’inkingo cyoherejwe mu turere 21 hirya no hino mu gihugu

Ubuzima

Minisiteri y’Ubuzima mu Rwanda (Minisante), ku kane taliki ya 09 Nzeri, 2021 yatangaje ko ikindi kiciro cy’inkingo cyoherejwe mu turere 21 hirya no hino mu gihugu, aho kuri ubu ariho zaraye.

Abo zigenewe (abafite imyaka 50 n’abafite indwara zidakira) baratangira kuzihabwa kuri uyu wa gatanu, ari nako basabwa gukomeza ingamba zo kwirinda.

Minisante, ibinyujije ku rukuta rwayo rwa Twitter ivuga ko kuri uyu kane doze zirenga 137,000 z’urukingo rwa AstraZeneca n’izindi 97,000 zo mu bwoko bwa Sinopharm zoherejwe mu turere 21 mu ntara zose z’igihugu.

Minisante iti” Uyu munsi doze zirenga 137,000 z’urukingo rwa AstraZeneca n’izindi 97,000 zo mu bwoko bwa Sinopharm zoherejwe mu turere 21 mu ntara zose z’igihugu.”

Zizahabwa abafite kuva ku myaka 50 kuzamura n’abafite indwara zidakira.

Igikorwa cyo gukingira icyorezo cya Covid-19 kiratangira kuri uyu wa gatanu taliki ya 10 Nzeri, 2021.

Kugeza ubu, mu Rwanda hamaze gukingirwa abantu 1.668.325 bahawe dose ya mbere y’urukingo barimo 1.868 b’uyu munsi, mu gihe abakingiwe byuzuye ari 924.233 barimo 4.036 bashya bafashe dose ya kabiri uyu munsi.

 

Photo: Minisante

Leave a Reply

Your email address will not be published. Required fields are marked *