Covid-19: Imwe mu mirenge yo mu ntara y’amajyepfo yakuwe muri guma mu rugo indi yo mu majyaruguru n’iburengerazabuba ishyirwamo

Ubuzima

Minisiteri y’Ubutegetsi bw’Igihugu (Minaloc) yatangaje ko guhera ku wa kane taliki ya 6 Gicurasi 2021, imwe mu mirenge yo mu Ntara y’Amajyepfo yari muri Guma mu rugo iyikuwemo kuko ubwandu bushya bwahagabanutse ariko ibiri yo muri Gicumbi na Karongi ishyirwa muri Guma mu Rugo kubera ubwiyongere bwa COVID-19.

Mu itangazo ryayo, Minisiteri yasohoye ku gatatu taliki 5 Gicurasi 2021, rivuga ko imirenge ya Gikonko,Kansi na Mamba yo mu karere ka Gisagara, Ruhashya na Rwaniro yo muri Huye, ndetse n’uwa Ruramba yo muri Nyaruguru ikuwe muri Guma mu rugo yari yarashyizwemo ku wa 6 Mata 2021.

Minaloc, ikomeza ivuga ko Umurenge wa Rwamiko wo mu Karere ka Gicumbi n’uwa Bwishyura wo mu Karere ka Karongi yashyizwe muri Guma mu rugo kubera ubwandu bushya bwa Covid-19 bukomeje kuhagaragara cyane.

Photo: (Internet)

Leave a Reply

Your email address will not be published. Required fields are marked *