Covid-19: Nyamagabe udusoko duto n’ibimina byahagaritswe

Ubuzima

Ubuyobozi bw’Akarere ka Nyamagabe buvuga bwahagaritse amasoko amenyerewe nka Ndaburaye n’ibimina, mu rwego rwo gukumira ikwirakwira ry’icyorezo cya Covid-19.

Abaturage bose barasabwa gukaza ingamba zo kwirinda Coronavirus birinda kujya ahantu hateraniye abantu benshi, kwambara neza agapfukamunwa, gukaraba intoki kenshi n’amazi meza n’isabune cyangwa umuti wabugenewe (Hand sanitizer) no gusiga intera ihagije hagati y’umuntu n’undi.

Mu itangazo ry’aka Karere rivuga ko abantu bose basabwa kubahiriza amabwiriza yose yashyizweho, mu rwego rwo gukumira ikwirakwira ry’icyorezo cya Covid-19.

Rigira riti”Amasoko amenyerewe nka Ndaburaye, Ibimina bihuza abantu biraba bihagaze mu gihe turi guhangana na Coronavirus.”

Izi ngamba nshya zafashwe muri aka Karere ka Nyamagabe, zizubahirizwa mu gihe cy’ibyumweru bibiri ariko bishobora no kugera kuri bitatu bitewe n’uburyo icyorezo kizaba gihagaze.

Ibiro by’Akarere ka Nyamagabe (Photo: Internet)

Leave a Reply

Your email address will not be published. Required fields are marked *