Covid-19: U Rwanda rwakiriye doze 108,000 z’urukingo rwa Johnson & Johnson

Ubuzima

Minisiteri y’Ubuzima mu Rwanda (Minisante), kuri uyu wa kane taliki ya 02 Nzeri, 2021 yatangaje ko yakiriye doze 108,000 z’urukingo rwa Covid-19 rwo mu bwoko bwa Johnson & Johnson.

Minisante ivuga ko urukingo rwa Covid-19 rwa Johnson & Johnson rutangwa muri doze imwe.

Iti” U Rwanda rumaze kwakira dose 108,000 z’urukingo rwa #COVID19 rwo mu bwoko bwa Johnson & Johnson rutangwa muri doze imwe.”

Ni icyiciro cya mbere cy’inkingo 2,191,000 Guverinoma yaguze binyuze muri gahunda yo kugura no gukwiza inkingo mu bihugu bya Afurika izwi ku izina rya AVAT (African Vaccine Acquisition Trust).

Mu Rwanda, imibare ya Minisiteri y’Ubuzima yo ku wa 1 Nzeri 2021 yerekana ko Abaturarwanda 1.553.189 bamaze guhabwa nibura dose imwe y’urukingo rwa Covid-19, naho abamaze guhabwa ebyiri bo ni 687.111.

Leta y’u Rwanda yihaye intego yo gukingira abantu 30 ku ijana(30%) kugeza mu mpera za 2021 na 60% by’abaturarwanda bose mbere y’uko umwaka wa 2022 urangira.

Photo: (Minisante)

Photo: (Minisante)
Photo: (Minisante)

Leave a Reply

Your email address will not be published. Required fields are marked *