Kigali: Abarengeje imyaka 60 batarahabwa dose n’imwe n’iyakabiri y’urukingo rwa Covid-19 barasabwa kwihutira kugera ku bitaro

Ubuzima

Ikigo cy’Igihugu cy’Ubuzima mu Rwanda (RBC) gisaba ko abantu bose bafite nibura imyaka 60 batarahabwa dose ya kabiri n’abatarahabwa doze n’imwe y’urukingo rwa Covid-19 kwihutira kugera ku bitaro by’uturere mu mujyi wa Kigali kugirango baruhabwe.

Ibi bitangajwe, nyuma ya taliki 24 Kamena, 2021, gahunda yo y’ikingira izasozwa kuri ibi byiciro.

RBC, ibinyujije mu itangazo ryayo iti ” Turamenyesha abantu bose bafite nibura imyaka 60 batarahabwa dose ya kabiri n’abatarahabwa doze n’imwe y’urukingo rwa Covid-19 kwihutira kugera ku bitaro by’uturere mu Mujyi wa Kigali kugirango baruhabwe.”

Abantu bose bafashe dose ya mbere y’urukingo rwa AstraZeneca kuva gahunda yo gukingira Covid-19 yatangira bakaba batarahabwa iya kabiri na bo bararebwa n’iri tangazo hatitawe ku myaka yabo y’ubukure.

Ku bitaro bya Kibagabaga na Kacyiru hazakirwa abo mu karere ka Gasabo, ku bitaro bya Masaka mu karere ka Kicukiro no ku bitaro bya Muhima na Nyarugenge mu karere ka Nyarugenge.

Abantu 247.402 ni bo bamaze guhabwa doze ya kabiri y’urukingo rwa COVID-19 (AstraZeneca) mu gihe abakingiwe bose mu Rwanda ari 391.001.

Photo: (Internet)

Leave a Reply

Your email address will not be published. Required fields are marked *