Mu cyumweru kimwe gusa, ubwandu bushya bwa Covid-19 bwazamutse ku kigero cya 245 ku ijana

Ubuzima

Minisiteri y’Ubuzima mu Rwanda (Minisante) kuri uyu wa gatatu taliki ya 16 Kamena, 2021 yatangaje ko mu cyumweru kimwe gusa, ubwandu bushya bwa Covid-19 bwazamutse ku kigero cya 245%.
Abantu babuze ubuzima bo biyongereye ku kigero cya 25% n’abakenera ibitanda kwa muganga bakomeje kwiyongera buri munsi.
Ibi Minisiteri y’Ubuzima yabitangaje iri kumwe n’Ikigo cy’Igihugu Gishinzwe Ubuzima mu Rwanda (RBC) mu kiganiro
 bari bari kugirana  n’abanyamakuru kivuga ku bwiyongere bw’ubwandu bushya bw’Icyorezo cya Covid-19 buri kugaragara muri iyi minsi ndetse n’ingamba zihari zo kubukumira.
Minisante ivuga ko imwe mu mpamvu zateye uku kwiyongera k’ubwandu bushya bwa Covid-19 muri iyi minsi byatewe n’abantu batangiye kwirara bumva ko icyorezo cyarangiye kandi siko biri.
Ivuga ko abantu batagomba kudohoka kuko Covid-19 igihari
Iti ” Covid-19 iracyahari kandi abantu ntibagomba kudohoka.”
 Minisante ikomeza ivuga ko mu cyumweru kimwe gusa, ubwandu bushya bwa Covid-19 bwazamutse ku kigero cya 245%.
Iti ” Mu cyumweru kimwe gusa, ubwandu bushya bwa Covid-19 bwazamutse ku kigero cya 245%.”
Indi mpamvu yateye kwiyongera kudasanzwe kw’abantu bandura icyorezo cya Covid-19 ngo ni urujya n’uruza rw’abantu rwatewe n’iruka ry’ikirunga cya Nyiragongo muri Republika Iharanira Demokarasi ya Congo.
 Indi mpamvu kandi itera uku kwiyongera kwa Covid-19, ni uko hari abantu kandi bumva ko kuba baramaze gukingirwa Covid-19 batagomba kubahiriza amabwiriza yo kwirinda, bamwe bakumva ko batanakwandura.
Minisante Iti “Ibi sibyo kuko mu bwandu bushya bugaragara harimo n’abantu bakingiwe. Buri wese rero agomba kwirinda.”
Kuba umuntu yarakingiwe ntibimukura mu mubare w’abo ingamba zose zo kwirinda Covid-19 zireba.
N’ubwo bimeze gutya ariko, kuba umuntu yarakingiwe bimurinda kuba yaremba cyangwa ngo ahitanwe na Covid-19 ariko ntibyamubuza kuyandura cyangwa kuyanduza. Ni byiza abantu bahitamo gukomeza kwirinda no kurinda abandi.
Umuyobozi w’ikigo cy’Igihugu Dr Nsanzimana Sabin avuga ko mu bipimo bamaze iminsi bafata, hagaragaye abantu 400 banduye kandi baramaze gukingirwa.
Dr. Nsanzimana, akomeza avuga ko
ikindi kibazo gikomeye kiriho ni ukwihinduranya kwa Virusi ya Covid-19 aho hariho ubwoko bushya bwitwa Delta.
Ati” Ubu hariho ubwoko bushya bwa Virusi (Delta) bwagaragaye mu bihugu duturanye. Tugomba rero gukaza ingamba tukirinda ko iyi Virusi nshya igera mu Rwanda.”
https://twitter.com/RwandaHealth/status/1405194464403013640?s=20
Dr. Sabin Nsanzimana, Umuyobozi w’ikigo cy’Igihugu cy’Ubuzimna mu Rwanda (RBC) avuga ko mu bipimo bamaze iminsi bafata, hagaragaye abantu 400 banduye kandi baramaze gukingirwa (Photo: Minisante)
Photo: (Minisante)
Minisiteri y’Ubuzima yabitangaje iri kumwe n’Ikigo cy’Igihugu Gishinzwe Ubuzima mu Rwanda (RBC) mu kiganiro
 bari bari kugirana  n’abanyamakuru kivuga ku bwiyongere bw’ubwandu bushya bw’Icyorezo cya Covid-19 buri kugaragara muri iyi minsi ndetse n’ingamba zihari zo kubukumira (Photo: Minisante)

 

Leave a Reply

Your email address will not be published. Required fields are marked *