Mu Rwanda abantu barenga miliyoni 2 bamaze gukingirwa Covid-19

Ubuzima

Ikigo cy’Igihugu cy’Ubuzima mu Rwanda (RBC), kuri uyu wa mbere taliki ya 27 Nzeri, 2021 cyatangaje ko abantu barenga miliyoni 2 bamaze gukingirwa icyorezo cya Covid-19 naho aba barimo abarenga miliyoni n’igice bakingiwe byuzuye

Abarenga 12% by’abaturarwanda bose bamaze kubona urukingo.

Kugeza ubu, 21% muri miliyoni 7,8 ziteganyijwe gukingirwa mu Rwanda (ni ukuvuga 60% by’abanyarwanda) ni bo bamaze guhabwa urukingo rwa Covid-19 ku buryo bwuzuye. Ni ukuvuga ko hamaze gukingirwa 12,6% muri miliyoni 13 z’abaturarwanda bose.”

Dr. Daniel Ngamije, Minisitiri w’Ubuzima, agaragaza ko hari intambwe ishimishije imaze guterwa mu gikorwa cyo gukingira abaturage Covid-19.

Ati” Kuba tumaze gukingira abantu barenga miliyoni ebyiri ni intambwe ikomeye tumaze gutera ariko urugendo rurakomeje.”

Ngamije, akomeza avuga ko Leta y’uRwanda irakora ibishoboka byose kugira ngo ibone inkingo zicyenewe.

U Rwanda, rumaze kwakira inkingo za Covid-19 zigera kuri 3 658 310, zabinetse muri gahunda yo gusaranganya inkingo ya Covax na gahunda ya AVAT(gahunda yashyizweho na AU ngo hashakwe inkingo za Covid-19 zo kunganira izindi nkingo muri uru rwego.)

Izindi nkingo zabonetse mu rwego rw’ubutwererane U Rwanda rufitanye n’ibindi bihugu ndetse hari n’izaguzwe na Leta y’uRwanda ku bufatanye na Banki y’Isi.

 

Photo: (Internet)

Leave a Reply

Your email address will not be published. Required fields are marked *