U Rwanda rwakiriye doze 398,000 z’urukingo rwa Covid-19 zo mu bwoko bwa Pfizer

Ubuzima

Minisiteri y’Ubuzima mu Rwanda (Minisante), ku wa gatatu taliki ya 27 Ukwakira, 2021 yatangaje ko U Rwanda rwakiriye doze 398,000 z’urukingo rwa Covid-19, rwo mu bwoko bwa Pfizer.

Minisante, ivuga ko izi doze zatanzwe n’igihugu cy’Ubufaransa binyuze muri COVAX.

Iti ” U Rwanda rumaze kwakira doze 398,000 z’urukingo rwa Covid-19 rwo mu bwoko bwa Pfizer. Izi doze zatanzwe n’igihugu cy’Ubufaransa binyuze muri COVAX.”

Kuri uyu wa gatatu, mu bipimo 9272 byafashwe, Minisiteri y’Ubuzima yatangaje ko abantu 42 aribo banduye icyorezo cya Covid-19, mu gihe umuntu umwe ari we wahitanywe nacyo, bituma umubare w’abamaze guhitanwa na cyo kuva cyagera mu Rwanda ugera ku 1322.

Kuri uyu munsi, abantu 22889 nibo bahawe doze ya mbere y’urukingo, mu gihe abahawe doze ya kabiri ari 27 634. Abamaze guhabwa doze ya mbere bose hamwe ni 3 735 581, mu gihe abahawe doze ebyiri ari 1 942 368.

U Rwanda rwakiriye doze 398,000 z’urukingo rwa Covid-19 zo mu bwoko bwa Pfizer

 

 

Photo: Minisante

Leave a Reply

Your email address will not be published. Required fields are marked *