Uganda: Bobi Wine yatawe muri yombi

Politiki

Robert Kyagulanyi uzwi nka Bobi Wine, umudepite utavuga rumwe n’ubutegetsi bwa Uganda, akaba umukandida mu matora ya Perezida ateganyijwe mu kwezi gutaha yatawe muri yombi.

Daily Monitor yatangaje ko Bobi Wine yafashwe kuri uyu wa Gatatu mu Gace ka Kalangala kari rwagati mu gihugu hamwe n’abandi bari mu bamufasha mu bikorwa bye byo kwiyamamaza.

Ntabwo icyatumye Bobi Wine atabwa muri yombi kiramenyekana gusa hari amakuru y’uko igipolisi cyari kiri gushaka uko kimwohereza mu Murwa Mukuru Kampala ngo abe ariho akurikiranirwa.

Bobi Wine yaherukaga gutabwa muri yombi mu Ugushyingo uyu mwaka ubwo yashinjwaga kwiyamamaza binyuranyije n’amabwiriza yo kwirinda COVID-19.

Uyu mugabo ni umwe mu bakandida batavuga rumwe na Leta bahabwa amahirwe mu matora azaba ahanganyemo na Yoweri Museveni umaze imyaka irenga 30 ayobora Uganda.

Bobi Wine yatawe muri yombi rwagati mu gihugu

Leave a Reply

Your email address will not be published. Required fields are marked *