Uganda Election 2021: Bobi Wine yamaganye ibyavuye mu matora by’ibanze

Politiki

Robert Kyagulanyi, umukandida utavuga rumwe n’ubutegetsi yamaganye ibyavuye mu matora by’agateganyo, anavuga ko ari we watsinze, n’ubwo komisiyo y’amatora ivuga ko amajwi yose atarabarwa.

Uyu mukandida uzwi cyane nka Bobi Wine, yavuze ko amatora yo kuwa kane ariyo ”yaranzwe n’ubujura bukabije mu mateka ya Uganda”, gusa nta kimenyetso na kimwe yatanze cyerekana ibyo yavuze.

Yavuze ko urugamba ubu rutangiye.

Kyagulanyi usanzwe ari umudepite mu nteko ya Uganda, yavuze ko mu masaha ari imbere agirana ikiganiro n’abanyamakuru ku biza gukurikiraho.

Bobi Wine ubwo yari amaze gutora ejo kuwa kane i Magere hanze gato ya Kampala

Amajwi y’agateganyo yatangajwe uyu munsi na komisiyo y’amatora, yerekana ko Perezida Yoweri Museveni ari we uri imbere afite hafi 2/3 by’amajwi yari amaze kubarwa.

Abasirikare bamaze kugota urugo rwa Bobi Wine ruri hanze gato y’umurwa mukuru Kampala.

Source: BBC

Leave a Reply

Your email address will not be published. Required fields are marked *