Uganda: Yoweri Museveni amaze gutangazwa ko yatsinze amatora

Politiki

Komisiyo y’igihugu y’amatora muri Uganda imaze kwemeza ko Perezida Yoweri Museveni yatsinze amatora yo ku wa 14 z’uku kwezi kwa mbere 2021, ku majwi 58.64 %.

Iyi Komosiyo itangaza ko Museveni yabonye amajwi 5.851.037, ni ukuvuga 58.64 % y’abatoye bose.

Mukeba we bari bahanganye, umunyamuziki Robert Kyagulanyi, uzwi nka Bobi Wine, aza ku mwanya wa kabiri n’amajwi 3.475.398 ni ukuvuga 34.83 % y’abatoye.

Hagati aho ariko, Bobi Wine ejo yatangaje ko atemera ibyavuye muri aya matora nk’uko byari byatangajwe na Komisiyo y’igihugu y’ amatora.

Yoweli Kaguta Museveni yatsinze amatora

Avuga ko yiteguye gutanga ibyemezo ko amatora yibwe. Komisiyo y’igihugu y’amatora yo irahakana ko nta bujura bwabaye.

Mu bandi bahatanye na Museveni, barimo Amuriat Oboi Patrick wo mu ishyaka Forum for Democratic Change (FDC) yabonye amajwi 310,753 ni ukuvuga 3.29%.

Komisiyo y’igihugu y’amatora, itangaza ko abatoye bose hamwe ari 9.978.093, ni ukuvuga 57.22 % y’abari biyandikishije gutora.

Ibi bivuze ko ibice birenga 40% by’abari biyandikishije batitabiriye ayo matora.

Aya matora ahesheje manda ya gatandatu uyu mukuru w’igihugu w’imyaka 76 umaze imyaka 35 ayoboye iki gihugu.

Yoweri Museveni yageze ku butegetsi mu 1986 akavuga ko ari ishusho y’ituze mu gihugu.

Ku ruhande rwe, Bobi Wine w’imyaka 38 avuga ko ashigikiwe n’urubyiruko, mu gihugu kigizwe ahanini n’abakiri bato.

Source: BBC

Leave a Reply

Your email address will not be published. Required fields are marked *